తెలుగు తేజం, జగ్గయ్యపేట : కృష్ణా జలాలు విడుదల అయిన సందర్భంగా మాజీ శాసనసభ్యులు శ్రీరాం రాజగోపాల్ తాతయ్య ఆధ్వర్యంలో బైక్ ర్యాలీ నిర్వహించారు. ఎన్టీఆర్ విగ్రహం వద్దకు చేరుకొని కృష్ణా జలాలతో ఎన్టీఆర్ విగ్రహానికి అభిషేకం చేసిన అనంతరంఎన్టీఆర్ విగ్రహానికి పూలమాలలు వేసి నివాళులు అర్పించారు. ఈ సందర్భంగా శ్రీరాం రాజగోపాల్ తాతయ్య మాట్లాడుతూ మాజీముఖ్యమంత్రి శ్రీ నారా చంద్రబాబునాయుడు పాదయాత్ర లో ఏదైతే జగ్గయ్యపేటకు చేసిన వాగ్దానం ప్రకారం 18.90 కోట్ల నిధులు మంజూరు చేసి అప్పటి నుండి ముత్యాలలో ఇంటెక్ వెల్ ముత్యాల నుండి జగ్గయ్యపేట పైప్ లైన్ పనులు జయంతిపురం లో ట్రీట్మెంట్ ప్లాంట్ పనులు 90%పనులు పూర్తి చేస్తే ,వైయస్సార్ ప్రభుత్వం వచ్చి 18 నెలల కాలంలో 10 శాతం పనులు పూర్తిచేసి ఈ రోజు విడుదల చేయడం జరిగినది కృష్ణా నదీ జలాలు మంజూరు చేయుటకు శ్రీరామ్ తాతయ్య తో కృషిచేసిన శ్రీ నెట్టెం శ్రీ రఘురాం, టిడి జనార్దన్, కేశినేని శ్రీనివాస్(నాని) దేవినేని ఉమామహేశ్వర కు అభినందనలు తెలియజేస్తూ మరియు ప్రత్యేకంగా జగ్గయ్యపేట పై దృష్టి పెట్టి కృష్ణా నదీ జలాల మంజూరు చేసినటువంటి మాజీ ముఖ్యమంత్రి వర్యులు శ్రీ నారా చంద్రబాబు నాయుడుకి శ్రీరామ్ రాజగోపాల్ తాతయ్య ధన్యవాదాలు తెలిపారు.
