తెలుగు తేజం, కొండపల్లి : హజరత్ సయ్యద్ షాబుఖారీ బాబా 424 వ ఉరుసు గంధ మహోత్సవ ఉత్సవ ఏర్పాట్లు మైలవరం నియోజకవర్గ శాసనసభ్యులు వసంత వెంకట కృష్ణ ప్రసాద్ ఆధ్వర్యంలో విస్తృతంగా జరుగుతున్నాయని షాబుఖారి బాబా ఉత్సవ కమిటీ చైర్మన్ అల్తాఫ్ బాబా బుధవారం ఒక ప్రకటనలో తెలిపారు ఈ ఉర్సు మహోత్సవానికి లక్షలాదిగా వచ్చే భక్తులకు నిత్య అన్నదాన కార్యక్రమం అన్న సమారాధన ఏర్పాటు చేసినట్లు తెలిపారు ఉరుసు సందర్భంగా గుర్రాలు ఒంటెలపై ఊరేగింపు భారీ స్థాయిలో ఉంటుందన్నారు. ఉరుసు మహోత్సవానికి దర్గాను రంగు రంగుల విద్యుత్ దీపాలతో అలంకరించి శోభాయ మానంగా ముస్తాబు చేసినట్లు , అశ్వగంధ మహోత్సవాన్ని ఫకీర్ల మేళతాళములతో ఎంత వైభవంగా నిర్వహిస్తున్నట్లు తెలిపారు ఈ కార్యక్రమంలో భారత దేశంలోని అన్ని రాష్ట్రాల నుండి బాబా భక్తులు, రాష్ట్ర మంత్రులు ఉన్నతాధికారులు ముస్లిం పండితులు పాల్గొని ఆశీస్సులు తీసుకుంటారని ఈ కార్యక్రమంలో ప్రతి ఒక్కరూ పాల్గొని బాబా ఆశీస్సులు పొందాలని షావుకారి బాబా ఉత్సవ కమిటీ చైర్మన్ అల్తాఫ్ బాబా కోరారు .
