కొమురంభీం: గత కొద్ది రోజులుగా జిల్లాలో పెద్దపులి సంచారం కలకలం రేపుతోంది. తాజాగా బెజ్జూరు మండలం తలాయి సమీపంలో పెద్దపులి దాడిలో ఆవు మృతి చెందింది. దీంతో ప్రజలు తీవ్ర భయాందోళనకు గురవుతున్నారు. విషయం తెలిసిన అటవీశాఖ అధికారులు అక్కడకు చేరుకుని పరిస్థితి సమీక్షించారు. పెద్దపులి సంచారం నేపథ్యంలో అప్రమత్తంగా ఉండాలని స్థానికులకు అధికారులు సూచిస్తున్నారు.
