వైసీపీ కార్పొరేటర్ అభ్యర్థి ఆత్మకురి సుబ్బారావు ( సురేష్ )
తెలుగు తేజం, విజయవాడ : సంక్రాంతి పండుగ సందర్భంగా 23వ డివిజన్ వైసీపీ కార్పొరేటర్ అభ్యర్థి ఆత్మకురి సుబ్బారావు ( సురేష్ ) ఆధ్వర్యంలో 13వ తేదీ మధ్యాహ్నం 2 గంటల నుండి సాయంత్రం 5 గంటల వరకు ముగ్గుల పోటీలను నిర్వహించనున్నట్లు ఆత్మకూరి సుబ్బారావు ఒక ప్రకటనలో తెలిపారు. పోటీలు సూర్యారావుపేటలోని కర్నాటి రామమోహనరావు స్కూల్ నందు నిర్వహించనున్నట్లు తెలిపారు. తెలుగు ప్రజలకు సంక్రాంతి తొలి పండుగ అని సంక్రాంతి పండుగలో ముగ్గులకు అత్యంత ప్రాధాన్యత ఉందన్నారు. అందుకే మన పండుగల సంస్కృతిని తెలియచేయాలనే ఉద్దేశంతోనే ముగ్గుల పోటీలను నిర్వహిస్తున్నామని తెలిపారు. ఈ పోటీలలో ప్రథమ బహుమతి రిఫ్రిజిరేటర్, రెండవ బహుమతి ఎల్ ఇడి టివి, మూడవ బహుమతి వాషింగ్ మిషన్ అందిస్తున్నామని ప్రత్యేక బహుమతిగా మైక్రోవేవ్ ఓవెతో పాటు ఆరు కన్సోలేషన్ బహుమతులు ఉంటాయని తెలిపారు. వీటితో పాటు ముగ్గుల పోటీల్లో పాల్గొనే ప్రతి మహిళలకు బహుమతి అందించనున్నట్లు తెలిపారు. పోటీల రిజిస్ట్రేషన్ కొరకు 9985 633 339 ఫోన్ ద్వారా సంప్రదించవచ్చని తెలిపారు.
