విజయవాడ : కార్తీక మాసం తొలి రోజు కావడంతో కృష్ణ ఘాట్ వద్ద భక్తులు పోటెత్తారు. కార్తీక మాసం తొలి రోజు కావడంతో నదీ స్నానాన్ని భక్తులు చేస్తున్నారు. ఓం నమశ్శివాయ అనే పంచాక్షరి మంత్రంతో కృష్ణా ఘాట్ మారుమోగుతోంది. కృష్ణానదిలో కార్తీకదీపాలను మహిళలు వదులుతున్నారు. కార్తీక మాసం సందర్భంగా భక్తుల రద్దీతో శైవక్షేత్రాలు నిండిపోయాయి. తమ సౌభాగ్యం కోసం, వారి భర్తల యోగక్షేమాల కోసం, మోక్షం పొందేందుకు కార్తీక మాసం నెల రోజుల పాటు విశేషమైన పూజలు చేస్తున్నారు.
