తెలుగు తేజం, విజయవాడ : ఆధ్యాత్మిక విశ్వ గురువు, సైంటిఫిక్ సెయింట్ శ్రీ శ్రీ శ్రీ గురు విశ్వ స్ఫూర్తి వారి దివ్య ఆశీస్సులతో కార్తీక పౌర్ణమి సందర్భంగా ప్రపంచవ్యాప్తంగా స్ఫూర్తి కుటుంబం ఆధ్వర్యంలో నిర్వహించిన ప్రస్థానం సాధన శిక్షణ తరగతులు ఘనంగా ముగిశాయి. ప్రస్థాన సాధన శిక్షణ తరగతులు విజయవాడ నగరంలో అనేక ప్రాంతాలలో ఘనంగా నిర్వహించుకున్నారు. స్థానిక ఎల్ ఐ సి కాలనీలోని ఆర్ పి టవర్స్ నందు నిర్వహించిన ప్రస్థాన సాధన శిక్షణ తరగతులు ముగింపు అనంతరం గురు స్థానం నుంచి శ్రీ శ్రీ శ్రీ గురు విశ్వ స్ఫూర్తి వారి చిత్రపటాన్ని స్ఫూర్తి కుటుంబ సభ్యులు ధవళ వస్త్రధారణతో అత్యంత క్రమశిక్షణగా గురువు గారిని విశ్వ స్ఫూర్తి ధ్యాన జ్ఞాన మార్గ్ కి తీసుకు రావడం జరిగింది. ఈ ఊరేగింపు నగరవాసులను ఎంతో ఆకర్షించింది. ఈ కార్యక్రమంలో విశ్వ స్ఫూర్తి ధ్యాన, జ్ఞాన మార్గ్ ట్రస్ట్ సభ్యులు శ్రీ వెంకటేశ్వర రావు దంపతులు గురువు గారి చిత్ర పటం తో ఊరేగింపు ముందు నడవడం జరిగింది. ఈ కార్యక్రమంలో స్పూర్తి కుటుంబ సభ్యులు శ్రీ వంశీ గారు, శ్రీ నారాయణ రావు గారు, శ్రీ చంద్రశేఖర్ గారు, సాయి బాబా గారు, శ్రీమతి కమల గారు, శ్రీమతి నలిని గారు ఇతర స్ఫూర్తి కుటుంబ సభ్యులు పాల్గొన్నారు.
About The Author
