ఎయిర్ ఇండియా సీఈఓ, మేనేజింగ్‌ డైరెక్టర్‌గా క్యాంబెల్ విల్సన్ నియమితులయ్యారు. ఆయన నియామకాన్ని టాటా సన్స్‌ ప్రకటించింది. 50ఏళ్ల విల్సన్‌కు విమానయాన రంగంలో 26ఏళ్ల అనుభవం ఉంది. ప్రస్తుతం సింగపూర్ ఎయిర్‌లైన్స్(ఎస్‌ఐఏ) అనుబంధ సంస్థ అయిన స్కూట్‌కు సీఈఓగా పనిచేస్తున్నారు.
ఈ సందర్భంగా విల్సన్‌ను ఎయిరిండియాకు సీఈఓగా నియమించడం పట్ల ఎయిర్ ఇండియా చైర్మన్ ఎన్ చంద్రశేఖరన్ స్పందించారు. ప్రపంచ స్థాయి విమానయాన సంస్థను నిర్మించడంలో విల్సన్‌తో కలిసి చేసేందుకు ఎదురు చూస్తున్నట్లు తెలిపారు.
