తెలుగు తేజం, గుంటూరు : ఓ ప్రైవేటు ట్రావెల్స్ బస్సు బోల్తా పడి 40 మందికి గాయాలైన ఘటన గుంటూరు జిల్లా రొంపిచర్ల సమీపంలో నార్కట్ పల్లి- అద్దంకి జాతీయ రహదారిపై జరిగింది. బుధవారం రాత్రి హైదరాబాద్ నుంచి కందుకూరుకు బయలుదేరిన బస్సు తెల్లవారుజామున ప్రమాదానికి గురైంది. ఘటన జరిగిన సమయంలో బస్సులో 45 మంది ప్రయాణికులు ఉన్నారు. క్షతగాత్రులను నరసరావుపేట ప్రభుత్వాసుపత్రికి తరలించి చికిత్స అందిస్తున్నారు.
