తెలుగు తేజం, విజయవాడ: వసంత పంచమిని పురస్కరించుకున్న ఇంద్రకీలాద్రిపై వేంచేసియున్న కనకదుర్గమ్మ అమ్మవారు మంగళవారం సరస్వతీదేవి అలంకారంలో భక్తులకు దర్శనమిస్తున్నారు. సరస్వతీ దేవి దర్శనార్థం విద్యార్ధినీ, విద్యార్థులు ఆలయానికి తరలిస్తున్నారు. శ్రీ పంచమి సరస్వతీ అమ్మవారి జన్మదినం సందర్భంగా విద్యార్ధులందిరికీ దుర్గగుడి అధికారులు ఉచిత దర్శనాన్ని కల్పించారు. అమ్మవారి దర్శనాంతరం మహామండపంలో విద్యార్దినీ, విద్యార్థులకు కలం, అమ్మవారి పాకెట్ సైజ్ ఫోట, రక్షాకంకణం, కుంకుమ ప్రసాదాన్ని పంపిణీ చేస్తున్నారు.
